Արցախի Հանրապետության նախագահ Բակո Սահակյանն, այսօր, ընդունել է ՀՅԴ Բյուրոյի անդամ Դավիթ Լոքյանին և սփյուռքահայ մի խումբ բարերարների:
Ինչպես PanARMENIAN.Net-ին տեղեկացնում են ԼՂՀ նախագահի աշխատակազմի տեղեկատվության գլխավոր վարչությունից, հանդիպման ընթացքում քննարկվել են Արցախի ներքին և արտաքին քաղաքականությանը վերաբերող հարցեր:
Հատուկ ուշադրություն է դարձվել Քաշաթաղի շրջանի զարգացման հիմնախնդիրներին, մասնավորապես, էներգետիկայի, գյուղատնտեսության և բնակարանաշինության ոլորտներին:
Նախագահ Սահակյանը կարևորել է այս ուղղությամբ համայն հայության ջանքերը՝ այն համարելով նախատեսված ծրագրերի հաջող իրականացման առանցքային գործոններից մեկը:
Հանդիպմանը մասնակցում էին վարչապետ Արա Հարությունյանը, ՀՅԴ Արցախի կենտրոնական կոմիտեի ներկայացուցիչ Դավիթ Իշխանյանը, պաշտոնատար այլ անձինք:
