«Ժառանգության» ցուցակի մաս կազմող կուսակցությունների և քաղաքացիական հասարակության ներկայացուցիչները Րաֆֆի Հովհաննիսյանի գլխավորությամբ ապրիլի 12-ին այցելել են Ծաղկաձոր, Հրազդան, Չարենցավան, Բյուրեղավան, Նոր Հաճն, Եղվարդ, Աբովյան, Գառնի և հանդիպել ընտրողների հետ:

Հրազդանյան հանդիպման ընթացքում խոսելով ազատ և արդար ընտրությունների ապահովման մասին, Հովհաննիսյանը կարևորել է համակարգող շտաբի ստեղծումը, ինչպես նաև դրա գործունեությունը կանոնակարգող փաստաթղթի տակ մասնակից քաղաքական ուժերի առաջին դեմքերի ստորագրությունների առկայության անհրաժեշտությունը:

Իսկ Նոր Հաճնում նա ասել է. «Եթե մենք մեր ուժերին ապավինենք, չսպասենք փրկարարներին և փրկիչներին, ապա այս ողորմությունը կմնա անցյալի գրկում»: