Նախօրեին Թեհրանում բախումներ են տեղի ունեցել Հարավային Ադրբեջանի ազգային զարթոնքի շարժման ակտիվիստների եւ տեղի հայերի միջեւ: Ինչպես տեղեկացնում է «Թուրան» գործակալությունը, բախումների պատճառ է դարձել այն, որ ադրբեջանցի ակտիվիստները փորձել են ձախողել Թեհրանում Թուրքիայի դեսպանատան առջեւ ապրիլի 24-ին հայերի հանրահավաքի անցկացումը` հայոց ցեղասպանությունը ճանաչելու պահանջով: Աղբյուրի համաձայն` տեղի իշխանությունների թույլտվությունը ստանալուց հետո հայկական համայնքի ներկայացուցիչները սկսել են Թեհրանի կենտրոնում ցուցապաստառներ փակցնել հանրահավաքին մասնակցելու կոչով: Մինչդեռ, Հարավային Ադրբեջանի ազգային զարթոնքի շարժման ակտիվիստները սկսել են պատռել այդ պաստառները, ինչն էլ հանգեցրել է բախումների: Իրանի իրավապահ մարմինները հանդես են եկել հայերի պաշտպանությամբ` ուժ գործադրելով ադրբեջանցի ակտիվիստների դեմ: