Ապրիլի19-20-ը Պյատիգորսկի պետական լեզվաբանական համալսարանում տեղի կունենա «Համառուսական և ազգային ինքնություն» միջազգային գիտագործնական համաժողովը՝ նվիրված Ռուսաստանում հայերի ազգային ինքնության պահպահման խնդրին:
«Դա չի լինի ձևական համաժողով: Դա իսկապես կլինի շահագրգիռ անձանց հանդիպում, ովքեր կքննարկեն արդի հարցեր համառուսական նույնականության շրջանակներում: Որովհետև մենք ամենից առաջ ռուսաստանցիներ են, սա մեր հայրենիքն է, մենք այստեղ ապրում ենք: Բայց պետք է այնպես ապրել, որպեսզի հիշել սեփական արմատները»,- PanARMENIAN.Net-ի թղթակցին հայտարարել է Միջազգային սերվիսի, զբոսաշրջության և օտար լեզուների ինստիտուտի տնօրեն Իրինա Հակոբյանցը:
Համաժողովում կքննարկվեն քաղաքացիական համառուսական ինքնությունը, էթնիկ հայկական ինքնությունը, լեզվի և մշակույթի դերը ժամանակակից սոցիալական գործընթացներում:
Համաժողովին կմասնակցեն Հայաստանի սփյուռքի փոխնախարար Վարդան Մարաշլյանը, «Ռուսաստանի հայերի միության» փոխնախագահ Գերման Անանյանցը, ՀԱԵ Ռուսաստանի թեմի ղեկավար, եպիսկոպոս Մովսես Մովսիսյանը և այլն:
Համաժողովին միջազգային կարգավիճակ են հաղորդում Հայաստանից, ԼՂՀ-ից, Գերմանիայից, Շոտլանդայից մասնակիցները:
