Պաշտոնական այցով Թեհրանում գտնվող Հայաստանի արտգործնախարար Էդվարդ Նալբանդյանը հյուրընկալվեց նաև Իրանի խորհրդարանում, ուր հանդիպում ունեցավ Մեջլիսի նախագահ Ալի Լարիջանիի հետ: Հանդիպմանը նախարար Նալբանդյանը կարևորեց երկկողմ հարաբերությունների ամրապնդման գործում ՀՀ և ԻԻՀ օրենսդիր մարմինների արդյունավետ համագործակցությունը:
Լարիջանին պարարտ է համարել հողը Իրանի ու Հայաստանի խորհրդարանական համագործակցության համար և նշել է, որ երկու երկրների խորհրդարանները վերջին տարիներին նպաստել են հարաբերությունների զարգացմանը:
Լարիջանին նաև կարևորել է համատեղ տնտեսական նախագծերի իրականացումը և հավելել է, որ երկու երկրները մեծ հնարավորություններ ունեն հարաբերությունները զարգացնելու համար:
Զրուցակիցները մտքեր են փոխանակել երկկողմ օրակարգի հարցերի շուրջ, անդրադարձել մի շարք տարածաշրջանային խնդիրներին:
