2004 թվականին Վերակառուցման եւ զարգացման եվրոպական բանկի (ՎԶԵԲ) ներդրումների ծավալը Հայաստանի տնտեսության մեջ կկազմի 10-12 մլն եվրո: Այդ մասին այսօր Երեւանում լրագրողներին է հայտարարել ՎԶԵԲ-ի նախագահ Ժան Լեմյերը: Նա նշել է, որ ներդրումների հիմնական մասը կուղղվի հայկական մի շարք ձեռնարկությունների բաժնետոմսերի ձեռքբերմանը, իսկ մնացած միջոցները կտրամադրվեն վարկերի ձեւով: Լեմյերն ասել է, որ 2005 թվականին ՎԶԵԲ-ը մտադիր է Հայաստանում իր ներդրումների ծավալը հասցնել 20 մլն եվրոյի: Ընդ որում, նշել է նա, հիմնական շեշտը կդրվի փոքր եւ միջին բիզնեսի զարգացման, բանկային համակարգի ամրապնդման եւ արտահանման խթանման վրա: