Պետք է ամեն ինչ անել, որ հրադադարը Հայաստանի եվ Ադրբեջանի միջեւ պահպանվի: Այդ մասին այսօր Երեւանում լրագրողներին է հայտարարել Հայաստանում ԱՄՆ դեսպան Ջոն Օրդուեյը` մտահոգություն հայտնելով վերջին ժամանակներս հայ եւ ադրբեջանցի զինված ուժերի շփման գծում հաճախակի դարձած հրադադարի ռեժիմի խախտման դեպքերի առնչությամբ: Մեր անհանգստությունը այդ կապակցությամբ մենք փոխանցում ենք երկու կողմերին, նշել է դեսպանը, կտրականապես դեմ հանդես գալով նման միջադեպերի կրկնմանը, որոնք «բացասաբար են անդրադառնում ինչպես բանակցային գործընթացի, այնպես էլ տարածաշրջանում ժողովրդավարական զարգացումների վրա»: