Գործազրկությունն աշխարհում աճել է 15-24 տարեկան հասակում երիտասարդների շրջանում՝ նախաճգնաժամային ցուցանիշից ավելանալով 4 միլիոնով և այժմ կազմում է 75 մլն մարդ: Երիտասարդության շրջանում գործազրկության ծավալներն է ներկայացրել Աշխատանքի միջազգային կազմակերպության զբաղվածության հատվածի գործադիր տնօրեն Խոսե Մանուել Սալասար-Շիրինակսը, ներկայացնելով կազմակերպության զեկույցը, գրում է ԻՏԱՐ-ՏԱՍՍ-ը: Նա նշել է, որ առավել բարդ է վիճակը զարգացած երկրներում ու ԵՄ պետություններում, որտեղ «զգալիորեն չի կրճատվել գործազրկության ցուցանիշը երիտասարդության շրջանում»:

Լարվածությունն այս հարցում կպահպանվի նաև աշխարհի այլ մասերում, այդ թվում Մերձավոր Արևելքում, Հարավային ու Հարավ-Արևելյան Ասիայում: