Ֆրանսիայի Մոնպելյե քաղաքում մայիսի 23 -ին կմեկնարկի մեծահասակների և երիտասարդների սպորտային մարմնամարզության Եվրոպայի առաջնությունը: Հայաստանի մեծահասակների հավաքակոնւմ հանդես կգան Վահագն Ստեփանյանը, Վահագն Դավթյանը, Հարություն Մերդինյանը, Վահան Վարդանյանը, Արթուր Դավթյանը, իսկ երիտասարդականի կազմում կմասնակցեն Արմեն Պետրոսյանը, Վիգեն Խաչատրյանը և Արամ Մովսիսյանը:
Տևական ընդմիջումից հետո Հայաստանի հավաքականն առաջին անգամ կմասնակցի նաև թիմային պայքարին:
Հայաստանի թիմը մարզում են Աշոտ Գասպարյանը, Արտյոմ Ավետյանը և Տիգրան Պետրոսյանը:
Հավաքականի գլխավոր մարզիչ Հակոբ Սերոբյանը և նրա օգնական Սոս Սարգսյանը Մոնպելյեում հանդես կգան մրցավարի դերում, իսկ պատվիրակության ղեկավարներն են Արմեն Զալիբեկյանը և Էլֆիկ Հովհաննիսյանը:
Առաջնությունը կավարտվի մայիսի 27 –ին, հաղորդում է ՀԱՕԿ-ի պաշտոնական կայքը:
