Մայիսի 22-ին Հայաստանի մինչև 19 տարեկանների ֆուտբոլի հավաքականը մեկնել է Իտալիա, որտեղ մայիսի 23-ին մեկնարկում է 2012թ. Եվրոպայի առաջնության էլիտ ռաունդի մրցաշարը: Հայաստանի, Իսպանիայի, Իտալիայի և Բելգիայի ընտրանիները կվիճարկեն Եվրոպայի առաջնության եզրափակիչ մրցաշարում մասնակցելու միակ ուղեգիրը:

Հայաստանի մինչև 19 տարեկանների ազգային հավաքականի մարզչական շտաբը՝ Վարազդատ Ավետիսյանի գլխավորությամբ հրավիրել է թիմ հետևյալ ֆուտբոլիստներին՝ Դարպասապահներ. Ալբերտ Օհանյան, Գոռ Մանուկյան:

Պաշտպաններ. Էդուարդ Թաթոյան, Արարատ Պողոսյան, Արամ Շահնազարյան, Տարոն Ոսկանյան, Արման Հովհաննիսյան և Վասպուրակ Մինասյան:

Կիսապաշտպաններ. Գրիգոր Հովհաննիսյան, Դավիթ Հակոբյան, Դավիթ Մինասյան, Արթուր Գրիգորյան, Գոռ Մալաքյան, Արմեն Դերձյան, Գագիկ Պողոսյան, Ղուկաս Պողոսյան և Աղվան Պապիկյան: Հարձակվող. Հովհաննես Հովհաննիսյան:

Հայաստանը Իսպանիայի հետ կհանդիպի մայիսի 23-ին, 25-ին` Բելգիայի, իսկ 28-ին` Իտալիայի: Բոլոր հանդիպումները կսկսվեն Երևանի ժամանակով ժամը 17:00-ին, տեղեկացնում է ՀՖՖ մամուլի ծառայությունը: