Մայիսի 22-ին Հայաստանի արտգործնախարարի տեղակալ Աշոտ Հովակիմյանը և Հայաստանում ԱՄՆ-ի դեսպան Ջոն Հեֆֆերնը ԱԳՆ-ում ստորագրել են «Հայաստանի Հանրապետության ազգային անվտանգության ծառայության և ԱՄՆ պաշտպանության նախարարության միջև սահմանային անվտանգության ոլորտում օժանդակության և զանգվածային ոչնչացման զենքերի տարածման կանխարգելման ուղղությամբ համագործակցության վերաբերյալ» իրականացման համաձայնագիրը, հաղորդում է ՀՀ ԱԳՆ մամլո ծառայությունը: Համաձայնագիրը նպատակ է հետապնդում կանոնակարգելու Հայաստանի Հանրապետության ազգային անվտանգության ծառայության և Ամերիկայի Միացյալ Նահանգների պաշտպանության նախարարության հետաքրքրությունների շրջանակներում Հայաստանի Հանրապետության տարածքով զանգվածային ոչնչացման զենքի և հարակից տեխնոլոգիաների և նյութերի անօրինական փոխանցումն ու փոխադրումը կանխելու, կասեցնելու, բացահայտելու ու արգելելու համար ԱՄՆ կողմից ՀՀ-ին տրամադրվող պարագաների, սարքավորումների, գործիքների մատակարարման, զանգվածային ոչնչացման զենքի բացահայտման և առգրավման դեպքերի կապակցությամբ տեղեկատվության փոխանակման, տեխնիկական մասնագետների վերապատրաստման, ինչպես նաև տեխնիկական ներկայացուցիչ կամ ներկայացուցիչներ նշանակելու ու նրանց գործունեության հետ կապված հարաբերություններ:
