Հուլիսի 2-4-ը Նովոռոսիյսկում կայացած «Ծովային հանգույց-2004» երգի միջազգային երրորդ փառատոնում երեւանցի երգիչ Արա Մարտիրոսյանն արժանացել է գլխավոր մրցանակին: Ինչպես տեղեկացնում են ռուսաստանյան ԶԼՄ-ները, մրցութային ծրագրում մասնակցել են նաեւ երիտասարդ կատարողներ Ռուսաստանից, Լատվիայից, Գերմանիայից, Իսրայելից եւ այլ երկրներից: Նրանց կատարումը գնահատել է ներկայացուցչական միջազգային ժյուրին, որը գլխավորել է Ռուսաստանի ժողովրդական արտիստ Գեորգի Գառանյանը: