Իրանի նախագահ Մահմուդ Ահմադինեժադը, հեռախոսազրույցի ժամանակ շնորհավորելով Եգիպտոսի նախագահ Մոհամմեդ Մուրսիին նախագահի պաշտոնում ընտրվելու կապակցությամբ, հայտարարել է, որ Եգիպտոսի ու Իրանի ժողովրդները ընդհանուր պատմություն ունեն ու բարեկամական կապեր, հայտնում է MehrNews-ը:

Իրանի ժողովուրդը պատրաստ է ամեն կերպ նպաստել Եգիպտոսի զարգացմանը, ասել է Իրանի նախագահը՝ հրավիրելով Մուրսիին այցելել Իրան՝ Չմիացած երկրների գագաթաժողովի շրջանակներում:

Իր հերթին Մոհամմեդ Մուրսին հայտարարել է Իրանի նախագահին, որ Եգիպտոսի ժողովուրդը «հարգանք և սեր է» տածում Իրանի ժողովրդի հանդեպ: