Մարդու իրավունքների պաշտպան Կարեն Անդրեասյանն այսօր համագործակցության հուշագիր է ստորագրել Հայաստանում Օքսֆամի տնօրեն Մարգարիտա Հակոբյանի հետ՝ հաստատելով համագործակցության լայն շրջանակ պաշտպանի մարզային գրասենյակների և «Օքսֆամ»-ի կողմից հիմնված քաղաքացիական կենտրոննների (ՔԿ) միջև:

Ինչպես PanARMENIAN.Net-ին հաղորդում են «Օքսֆամ» ընկերության լրատվական ծառայությունից, հուշագիրը կնքվել է 6 տարի ժամկետով, որի ընթացքում կողմերը իրականացնելու են մարդու իրավունքների ոլորտում առկա խնդիրների վերաբերյալ համատեղ ծրագրերի մշակում, խնդիրների լուծմանն ուղղած մարտավարության մշակում, օրենսդրության մեջ առկա բացերի շտկմանն ուղղված առաջարկների ներկայացում, ինչպես նաև հասարակության իրազեկում տվյալ խնդիրների վերաբերյալ։