Չեչնյայում ոչնչացված վարձկանների մոտ հայտնաբերված փաստաթղթերը վկայում են չեչեն գրոհայիններին թուրքական կազմակերպությունների աջակցության մասին: Այդ մասին «Ռեգնում» գործակալությանը տեղեկացրել են Հյուսիսային Կովկասում հակաահաբեկչական գործողությունների վարչության տարածաշրջանային օպերատիվ շտաբի միավորված մամուլի ծառայությունում: Աղբյուրի համաձայն` Գրոզնիում ոչնչացված թուրք գրոհայիններից մեկի` Այդին Կայի մոտ գտնվել է նամակ, որից պարզ է դառնում, որ վարձկանների զգալի մասը եւ չեչեն գրոհայինների համար փողերը Չեչնյա են մտնում Թուրքիայից` Վրաստանի տարածքով: