Էկվադորի նախագահ Ռաֆայել Կորրերան հայտարարել է, որ հույս ունի արդեն այս շաբաթ որոշում կայացնել Ջուլիան Ասանժին քաղաքական ապաստան տրամադրելու հարցի շուրջ: Այս մասին հաղորդում է Ֆրանս Պրեսս գործակալությունը:

«Ակնկալում եմ, որ այս շաբաթ մենք այս հարցի շուրջ հայտարարությամբ հանդես կգանք»,-ասել է նախագահը` ECTV պետական հեռուստաալիքին տված հարցազրույցում:

Ռաֆայել Կորրերան ընդգծել է, որ ծրագրում է չորեքշաբթի օրը այս հարցը քննարկել էկվադորցի դիվանագետների հետ, ովքեր աշխատում են Լոնդոնում: