Եղանակը չի ազդի ցուցարարների վճռական տրամադրվածության վրա, որոնք արդեն երկրորդ օրն է անձրեւի տակ բողոքում են նախագահական ընտրությունների երկրորդ փուլում Հայաստանի գործող նախագահ Ռոբերտ Քոչարյանի հաղթանակը գրանցած Կենտրոնական ընտրական հանձնաժողովի որոշման դեմ: Այդ մասին «Արմինֆո» գործակալությանը հաղորդել է ցուցարարներից մեկը` «Ազգային ժողովրդավարական միություն» ներկայացուցիչ Գասպար Գաբրիելյանը: Նրա խոսքերով` նստացույցն անցկացվում է առանց ժամանակային սահմանափակման: Ներկայումս նստացույցին մասնակցում է շուրջ 60 մարդ, որոնք պահանջում են վերանայել մարտի 5-ին Հայաստանում կայացած նախագահական ընտրությունների երկրորդ փուլի քվեարկության արդյունքները: