Չեխական ապակի արտադրող Kavalierglass ընկերությունը պատրաստել է աշխարհի ամենամեծ վիսկիի շիշը, որի բարձրությունը կազմում է 1.7 մետր, քաշը` 50 կգ, տարողությունը` 228 լիտոր, գրում է Tyden թերթը:

Ինչպես պատմել է լրագրողներին Ռադեկ Վանան` Kavalierglass ընկերության ներկայացուցիչը, որը զբաղվել է շշի ստեղծմամբ, չեխ վարպետների ջանքերն այժմ կգրանցվեն Գինեսի ռեկորդների գրքում: Ընկերությունը շիշը պատրաստել է Edrington Group շոտլանդիական վիսկի արտադրող ընկերության պատվերով, որի ղեկավարությւոնը որոշել է առաջ անցնել Jack Daniels-ի մրցակիցներից, որոնք ստեղծել էին 174 լիտր տարողությամբ վիսկի:

Այժմ հսկա շիշը լցված է վիսկիով և տեղադրված Edrington Group ընկերության այցելուների համար կենտրոնում, որը գտնվում է Էդինբուրգ քաղաքից ոչ հեռու: