Նավթի համաշխարհային գները նվազում են անցած շաբաթվա ընթացքում ԱՄՆ-ում գործազրկության նպաստների հայտերի քանակի վիճակագրության ֆոնին, ինչպես նաև Գերմանիայի և Ֆրանսիայի ղեկավարների հետ Հունաստանի վարչապետ Անտոնիս Սամարասի հանդիպումների, վկայում են վաճառքի տվյալները:

Մոսկվայի ժամանակով 08:53-ին WTI (Light Sweet Crude Oil) ամերիկյան նավթի գինը նվազել է 0,49 դոլարով կամ 0,51 տոկոսով` մինչև մեկ բարելի համար 95,78 դոլար: Brent ապրանքանիշի հյուսիսծովյան նավթային խառնուրդի հոկտեմբերյան ֆյուչերսների արժեքը նվազել է 0,34 դոլարով կամ 0,3 տոկոսով` մինչև մեկ բարելի համար 114,67 դոլար:

Մեկ շաբաթվա ընթացքում ԱՄՆ-ում գործազրկության նպաստների հայտերի քանակն ավելացել է 4 հազարով և կազմել 372 հազար:

Վաճառքի մասնակիցները զգուշությամբ սպասում են Անգելա Մերկելի և Ֆրանսուա Օլանդի հետ Սամարասի հանդիպման արդյունքներին: