«Մարգարեի հանդեպ սիրո օրը» Պակիստանում ուղեկցվում է ոստիկանության հետ բախումներով
«Մարգարեի հանդեպ սիրո օրը», որը նվիրված է ԱՄՆ-ում նկարահանված «Մահմեդականների անմեղությունը» ֆիլմի դեմ բողոքի ակցիաներին, Պակիստանում ուղեկցվում է ջարդերով ու ոստիկանության հետ բախումներով, ուրբաթ օրը հայտնել են տեղական հեռուստաալիքները: Հրկիզվել է երկու կինոթատրոն:
«Մարգարեի հանդեպ սիրո օրը» Պակիստանում հայտարարված է ոչ աշխատանքային: Տարբեր կուսակցություններ և շարժումներ բողոքի երթի են դուրս եկել վերոնշյալ ֆիլմի դեմ:
Ինչպես հայտնում է «ՌԻԱ Նովոստին», Պեշավարում և այլ քաղաքներում բախումներ են տեղի ունենում ցուցարարների ու ոստիկանության միջև: Իսլամաբադում ոստիկանության հսկողության տակ է առնվել այն թաղամասը, որտեղ գտնվում են ԱՄՆ և այլ երկրների դեսպանատները:
