Մինսկում Սեպտեմբերի 21-ի միջոցառումներին մասնակցել են իշխանության բոլոր ճյուղերի ներկայացուցիչները
Միջոցառմանը մասնակցեցին Բելառուսի Հանրապետության իշխանության բոլոր ճյուղերի, երկրում հավատարմագրված դիվանագիտական առաքելությունների և միջազգային կազմակերպությունների, հայ համայնքի, ինչպես նաև Բելառուսի Հանրապետության մտավորականության ներկայացուցիչներ, հայտնում է ԱԳՆ մամլո ծառայությունը:
Բելառուսում ՀՀ դեսպան Արմեն Խաչատրյանը հակիրճ ներկայացրեց Հայաստանի Հանրապետության 21-ամյա ուղին: Իր ելույթում ՀՀ դեսպանը բարձր գնահատեց նաև հայ-բելառուսական հարաբերությունների ներկա մակարդակը: Ներկաներին ողջույնի խոսք հղեց Բելառուսի Հանրապետության արտաքին գործերի նախարարի տեղակալ տիկին Յելենա Կուպչինան: Միջոցառմանը հանդես եկավ Բելառուսի հայ համայնքի «Էրեբունի» պարի համույթը:
