Նատալյա Բելյաուսկենեի «Եթե բոլորը...» ֆիլմն Օսկարի է առաջադրվել: Այդ մասին PanARMENIAN.Net-ի թղթակցի հետ զրույցում ասաց ֆիլմի պրոդյուսեր Միքայել Պողոսյանը: «Ֆիլմն Օսկարի առաջադրելու առաջարկը Հայաստանի Ազգային կինոկենտրոնինն էր, որը դիմեց ՀՀ մշակույթի նախարարությանը: Վերջինս իր հերթին հավանություն տվեց այդ առաջարկին և դիմելու գործընթացը հանձնարարեց Հայաստանի Ազգային կինոակադեմիային, որն արդեն շուրջ մեկ տարի է, ինչ գործում է: Փաստաթղթերը պետք է Կինոարվեստի ամերիկյան ակադեմիա ուղարկվեին մինչև հոկտեմբերի 1-ը, և մենք արդեն ուղարկել ենք»,- նշեց նա:

Միքայել Պողոսյանը հավելեց, որ «Եթե բոլորը...» Օսկարի է առաջադրվել «Լավագույն ֆիլմ օտար լեզվով» անվանակարգում: Ֆիլմի` Օսկարի հավակնորդ դառնալու մասին հայտնի կդառնա, հավանաբար, հոկտեմբերի 8-ին: