Սիրիացի ընդդիմադիրները սպանել են «Հեզբոլլահի» առաջնորդներից մեկին
Լիբանանի շիաների ծայրահեղական «Հեզբոլլահ» շարժման առաջնորդ Ալի Հուսեյն Նասիֆը կիրակի օրը սպանվել է Սիրիայում, հայտնում է բրիտանական The Guardian-ը:
Ինչպես գրում է թերթը, Նասիֆը սպանվել է սիրիացի ապստամբների հետ բախումներում Հոմս քաղաքից ոչ հեռու երկրի կենտրոնական մասում:
Նասիֆը ղեկավարում էր «Հեզբոլլահի» գործողությունները Սիրիայում, համակարգելով Սիրիայի անվտանգության ուժերի ու Լիբանանի շիաների խմբավորման գործողությունները, հայտնում է «Ինտերֆաքսը»:
