Լիբիայի մայրաքաղաք Տրիպոլիում վարչապետ Մուսթաֆա Աբու Շագուրի կողմից առաջարկված կառավարության նոր կազմից դժգոհող ցուցարարները հարձակվել են խորհրդարանի`Համազգային կոնգրեսի շենքի վրա:

Մոտ 150 մարդ ներխուժել են դահլիճ, որտեղ նիստ էր գումարել երկրի օրենսդիր մարմինը: Հետո ցույցի մասնակիցները լքել են դահլիճը, սակայն շարունակում են մնալ շենքի մոտակայքում` շարունակելով բողոքի ակցիան:

Ցուցարարները կարծում են, որ կառավարությունը ձևավորվել է ըստ գաղափարական սկզբունքի և չի արտացոլում լիբիական շրջանների բնակչիների շահերը: