Հայաստանի շրջանային ընտրական հանձնաժողովների նախագահները պատասխանատու են նախագահական ընտրությունների երկրորդ փուլի ընթացքում տեղ գտած յուրաքանչյուր խախտման համար: Ինչպես այսօր լրագրողներին հայտնել է ՀՀ Կենտրոնական ընտրական հանձնաժողովի նախագահ Արտակ Սահրադյանը` «ընտրությունների երկրորդ փուլի ընթացքում ամեն միջադեպի առումով կհարուցվի քրեական գործ, եւ, ցանկացած մարդ, ով անօրինական կարգով կմիջամտի ընտրական գործընթացին, կենթարկվի պատասխանատվության»: Նա նաեւ նշել է, որ ընտրությունների կազմակերպվածության համար պետք է պատասխանատու լինեն քաղաքական ուժերը, քանզի ընտրական հանձնաժողովները հանդիսանում են քաղաքական ձեւավորումներ: Ա. Սահրադյանը հույս է հայտնել, որ երկրորդ փուլում լուրջ խախտումներ չեն լինի: