«Փաստը մնում է փաստ, որ Պուտինը հետաձգեց Թուրքիա կատարվելիք իր այցը, իսկ Թուրքիան հրապարակայնորեն ընդունեց իր սխալը` Մոսկվա-Դամասկոս օդանավն իջեցնելու հետ կապված», - այսօր ասուլիսի ժամանակ ասաց Արևելագիտության ինստիտուտի տնօրեն Ռուբեն Սաֆրաստյանը` անդրադառնալով Պուտին-Էրդողան հեռախոսազրույցին և ՌԴ նախագահի սպառնալիքին:

Հիշեցնենք, որ թուրքական և արաբական պարբերականները տեղեկություն էին տարածել ՌԴ նախագահի և Թուրքիայի վարչապետի միջև տեղի ունեցած լարված հեռախոսազրույցի մասին: Ըստ տարբեր լրատվամիջոցների հեռախոսազրույցի ժամանակ Պուտինը սպառնացել է Էրդողանին` ասելով, որ եթե Սիրիա մտնի մեկ թուրք զինվոր, կնշանակի, որ այդ զինվորը մտնում է Մոսկվա: