Associated Press. Ֆրանսիայի իշխանությունները մտադիր են կատարել Յասիր Արաֆատի աճյունի արտաշիրիմում
Ֆրանսիայի կառավարությունում Associated Press գործակալության աղբյուրը հոկտեմբերի 30-ին հայտարարել է, որ այդ երկրի մասնագետները նոյեմբերին կմեկնեն պաղեստինական Ռամալա քաղաք, որտեղ թաղված է Յասիր Արաֆատը և կկատարեն նրա աճյունի արտաշիրիմում:
Ֆրանսիացիները մտադիր են կատարել կենսաբանական նյութերի հետազոտություն՝ պաղեստինյան առաջնորդի մահվան պատճառները պարզելու համար:
Նման հետաքննություն անցկացնելու պատճառը «Ալ Ջազիրա» հեռուստաալիքի սյուժեն է, որում առաջադրվել է վարկած Արաֆատին թունավորելու մասին:
