ԱԺ նախագահ Հովիկ Աբրահամյանն այսօր լրագրողների հետ հանդիպման ժամանակ, անդրադառնալով իր հոկտեմբերի 30-ին Չեխիա կատարած այցին, նշեց, որ հանդիպումներ է ունեցել Չեխիայի Սենատի ներկայացուցիչների հետ և նշեց, որ 2013 թվականի գարնանը նախատեսվում է չեխ խորհրդարանականների այցը Հայաստան, որոնց հրավերներն արդեն ինքը ստորագրել է: Նա նշեց նաև, որ Չեխիայի Հանրապետության Սենատում եղել է այդ երկրի արտգործնախարարի Սաֆարովի գործով դատապարտող հայտարարությունը, որը Հովիկ Աբրահամյանը համարեց ամենասուրը:
Հովիկ Աբրահամյանն անդրադարձավ կառավարության հետ Սերժ Սարգսյանի հայտնի խորհրդակցությանը, որտեղ նախագահ Սարգսյանն իր դժգոհությունն էր հայտնել կառավարության գործունեությունից և դրան հաջորդած արդեն այսօր՝ վարչապետ Տիգրան Սարգսյանի հրավիրած հակակոռուպցիոն նիստին նշեց. «Ես գտնում եմ, որ Հանրապետության նախագահի այդ հանձնարարականը շատ տեղին էր և նույնիսկ կարելի է ասել մի քիչ էլ ուշացած»: Նույն թեման շարունակելով՝ Հովիկ Աբրահամյանը նշեց, որ մարդիկ շատ արագ փորձում են այն թերությունները վերացնել, չարած գործերը փորձում են կատարել և ընգգծեց. «Դա շատ լավ է, բարձր է գնահատում և նախագահը, համոզված եմ, որ լինելու է հետևողական մինչև վերջ, որպեսզի գործադիր, օրենսդիր, բոլոր մարդիկ փորձեն իրենց լիազորությունները կիռարել մինչև վերջ»:
