Արտադրող ընկերությունների կողմից թափոնների օգտագործման ոլորտում պետհսկողությունը Հայաստանում պատշաճ մակարդակի վրա չէ, այդ մասին են վկայում նաև ստուգումների տվյալները, որ անց է կացրել վերահսկիչ պալատը: Այդ մասին նոյեմբերի 7-ին ԵՊՀ-ում «ՀՀ լեռնային արդյունաբերության տեխնածին թափոնները. օգտագործման տեխնոլոգիական, տնտեսական, բնապահպանական խնդիրները» թեմայով կլոր սեղան-քննարկման ժամանակ ասաց ԵՊՀ աշխարհագրության և երկրաբանության բաժանմունքի կայուն զարգացման կենտրոնի տնօրեն Ռուբեն Մովսիսյանը: Չնայած, որ օրենքը պարտավորեցնում է ընկերություններին նվազագույնի հասցնել թափոնների ազդեցությունը շրջակա միջավայրի վրա, այնուամենայնիվ, ըստ նրա, սուր է կանգնած այդ գործընթացի հանդեպ պետհսկողության հարցը:
Ռուբեն Մովսիսյանը պարզաբանել է, որ թափոնների օգտագործման առաջնահերթ խնդիրը դրանց վերամշակումն է, որի արդյունքում դրանք կդառնան «չլուծվող և անշարժ»: «Նման վերամշակման դեպքում թափոնները չեն կարողանա լուծվել շրջակա միջավայրում՝ վնասելով այն»,-հավելել է նա: