Նոյեմբերի 17-ին Հայ առաքելական եկեղեցու Վիրահայոց թեմի «Հայարտուն» մշակույթի կենտրոնի Գալուստ Գյուլբենկյան սրահում տեղի ունեցավ հայ գրքի տպագրության 500-ամյակին նվիրված ցուցահանդես-շնորհանդես: Այն կազմակերպել էին «Հայարտուն» մշակույթի կենտրոնը և Վրաստանի հայ գրողների «Վերնատուն» միությունը: Միջոցառումը հովանավորել էր ՀՀ մշակույթի նախարարությունը:

Ինչպես հայտնում են «Հայարտուն» մշակույթի կենտրոնից, միջոցառմանը ներկա էին Վիրահայոց թեմի առաջնորդ Տեր Վազգեն եպիսկոպոս Միրզախանյանը, Վրաստանում ՀՀ դեսպանության խորհրդական Լևոն Թորգոմյանը, գրող-բանաստեղծ Գիվի Շահնազարը, Վրաստանի հայ գրողների «Վերնատուն» միության անդամները, Թբիլիսիից, Ջավախքից գրականասեր հասարակայնության ներկայացուցիչներ, երիտասարդ ստեղծագործողներ:

Ցուցադրվել է Վրաստանի հայ գրողների «Վերնատուն» միության 17 տարիների ընթացքում հրատարակած 140-150 անուն գրքերի գրեթե կեսը: