Եվրախումբը հետաձգել է Հունաստանի վերաբերյալ որոշման ընդունումը մինչև 2012-ի նոյեմբերի 26-ը
Եվրագոտու ֆինանսների նախարարների (Եվրախումբ) հանդիպման արդյունքներով հայտարարել է այն մասին, որ Հունաստանին հերթական վարկային տրանշը հատկացնելու և երկրի վրա պարտքի բեռը նվազեցնելու համար միջոցների քննարկման մասին բանակցությունների ընթացքում ձեռք է բերվել առաջընթաց: Միաժամանակ, այդ հարցի վերջնական որոշումը հետաձգվել է մինչև 2012-ի նոյեմբերի 26-ը, հաղորդում է Reuters-ը` մեջբերելով Եվրախմբի նախագահ Ժան Կլոդ Յունկերին:
«Եվրախումբն անցկացրել է ինտենսիվ քննարկում և զգալի առաջընթացի հասել գործուն միջոցների համաձայնեցման շուրջ»,- հայտարարել է Յունկերը նիստից հետո, որը տևել է 12 ժամ:
