Ըստ «Ժողովուրդ»-ի դիվանագիտական աղբյուրների` ԵԱՀԿ ՄԽ համանախագահները ծրագրում են ԼՂ խնդրի վերաբերյալ Սերժ Սարգսյանի և Իլհամ Ալիևի հերթական հանդիպումը կազմակերպել դեկտեմբերի վերջին:
«Ամենայն հավանականությամբ, այն տեղի կունենա Փարիզում: Համանախագահների' տարածաշրջան կատարած այցի հիմնական նպատակներից մեկն էլ այդ հանդիպման վերաբերյալ պայմանավորվածություններ ձեռք բերելն էր: Բացի այդ, նրանք նախատեսել են կողմերի հետ քննարկել նաև հակամարտության կարգավորման նոր գաղափարները, որոնց մասին ակնարկել էին Փարիզում ԱԳ նախարարների հանդիպման ժամանակ:
Երեկ համանախագահներն իրենց գաղափարները քննարկել են ԼՂՀ նախագահ Բակո Սահակյանի հետ հանդիպման ընթացքում: Այսօր նրանք կժամանեն Երևան, իսկ երկուշաբթի կլինեն Բաքվում»,- գրում է «Ժողովուրդ»-ը: