Դեկտեմբերի 1-ին, ժամը 13.15-ին, ոստիկանության Հրազդանի բաժնում ահազանգ է ստացվել, որ Վանատուր թաղամասում գտնվող գազալիցքավորման կայանում պայթյուն է տեղի ունեցել:
Պարզվել է, որ նույն օրը, ժամը 13.10-ի սահմաններում, գազալիցքավորման կայանում «ԳԱԶ- 31105» մակնիշի ավտոմեքենայի բեռնախցում տեղադրված երկու գազաբալոններից մեկը լիցքավորման ընթացքում պայթել է, ինչի հետևանքով մյուս բալոնը հարվածել է «Միցուբիշի Պաջերո» մակնիշի ավտոմեքենայի:
Պայթյունի հետևանքով ավտոմեքենաներին պատճառվել է նյութական վնաս:
Դեկտեմբերի 2-ին, ժամը 01.10-ին, ոստիկանության Դավիթաշենի բաժանմունքում հաղորդում է ստացվել, որ Եղվարդիխճուղում գտնվող գազալցակայանում ավտոմեքենա է պայթել:
Պարզվել է, որ նույն օրը, ժամը 01.00-ին, «BYD» մակնիշի ավտոմեքենան գազով լիցքավորելու ժամանակ գազի բալոնը պայթել է, ինչի հետևանքով մեքենային պատճառվել է նյութական վնաս:
Նշանակվել է դատաապրանքագիտական փորձաքննություն:
Այ մասին հայտնում են ոստիկանության լրատվության վարչությունից: