Դուբլինում ԵԱՀԿ գագաթաժողովի ավարտին փաստաթուղթ է ընդունվելու ղարաբաղյան հակամարտության վերաբերյալ: Այդ մասին հինգշաբթի հայտնել է Ադրբեջանի ԱԳ փոխնախարար Էլմար Մամեդյարովը, հայտնում է «Թրենդ» գործակալությունը:
Հայաստանի ԱԳՆ մամլո քարտուղար Տիգրան Բալայանը PanARMENIAN.Net-ի թղթակցի հետ զրույցում չի մեկնաբանել Էլմար Մամեդյարովի հայտարարությունը:
ԵԱՀԿ երկրների ԱԳՆ ղեկավարների Խորհրդի նիստում, որտեղ քննարկվում են տարածաշրջանային անվտանգության հարցեր, մասնակցում են ԵԱՀԿ ԱԳ մոտ 50 նախարարներ: Իռլանդիայի մայրաքաղաքում նախարարները կքննարկեն կազմակերպության բարեփոխման, առանց մուտքի արտոնագրերի ազատ տարածքի և այլ հարցեր: Մասնակիցների թվում են ԱՄՆ պետքարտուղար Հիլարի Քլինթոնը, ԵՄ միջազգային գործերի ու անվտանգության քաղաքականության գծով գերագույն ներկայացուցիչ Քեթրին Էշթոնը, ՌԴ ԱԳՆ ղեկավար Սերգեյ Լավրովը, մի շարք պետությունների ԱԳ նախարարներ:
