«Բարսելոնայի» բոլոր անդամների տրանսֆերային հանրագումարը ամենամեծն է աշխարհում: Նման տվյալներ է ներկայացրել «Պլյուրի» խորհրդատվական ընկերությունը, հայտնում է Profootball-ը:

Ընկերությունը հետազոտության արդյունքում պարզել է, որ կատալոնյան ակումբը գնահատվում է 671 մլն եվրո: «Բարսելոնայի» յուրաքանչյուր խաղացողի միջին արժեքը գրեթե 26 միլիոն եվրո է:

Վարկանիշի երկրորդ տեղում է Մադրիդի «Ռեալը»: «Թագավորական ակումբի» ֆուտբոլիստներին գնահատել են 593 մլն եվրո: Եռյակը եզրափակում է «Մանչեսթեր Սիթին»՝ 489 մլն եվրո:

Տասնյակում են նաև «Մանչեսթեր Յունայթեդեը», «Բավարիան», «Չելսին», «ՊՍԺ», «Յուվենթուսը», «Արսենալը» և «Տոտենհեմը»: