Ավստրալիայի կառավարությունում աճում է աջակցությունը Հայաստանին սիրիահայերին օգնելու համար 24,5 մլն դոլար հատկացնելու նախաձեռնությանը: Ինչպես հայտնում է Ավստրալիայի Հայ Դատի հանձնախումբը, մի շարք պաշտոնյաներ դիմել են ԱԳՆ՝ կոչ անելով ֆինանսական օգնություն տրամադրել Հայաստանին սիրիահայ փախստականներին օժանդակելու համար:
Ավստրալիայի Հայ Դատի հանձնախմբի գործադիր տնօրենը շնորհակալություն է հայտնել օրենսդիրներին նախաձեռնությանը սատարելու համար, նշելով. «Ժամանակը մեծ դեր է խաղում այստեղ: Կարևոր է, որ օգնություն ստանան նրանք, ով դրա կարիքն ունի»:
Ավստրալիայի Հայ Դատի հանձնախումբը Ավստրալիայի միջազգային զարգացման գործակալության ու Միջազգային օգնության ու առևտրի դեպարտամենտի հետ համատեղ հանդես է եկել նախաձեռնությամբ Սիրիայից Հայաստան տեղափոխված սիրիահայ փախստականներին օգնելու վերաբերյալ:
«Ավստրալիայի կառավարության հետ համատեղ մենք աշխատում ենք Հայաստանին սիրիահայերին օգնելու համար 24,5 մլն դոլար հատկացնելու ուղղությամբ»,-ասել է Վաչե Ղահրամանյանը:
