Հայաստանի նախագահական ընտրություններում երեք հիմնական կուսակցությունների՝ ՀԱԿ-ի, ԲՀԿ-ի և ՀՅԴ-ի չմասնակցելը, հնարավոր է, մարտավարական ու ռազմավարական նպատակներ է ունեցել: Այսօր մամուլի ասուլիսում հայտարարեց նախընտրական առաքելությամբ Հայաստանում գտնվող ԵԽԽՎ պատվիրակության անդամ Ստեֆան Շենաքը:

«Շատ կարևոր էր լսել, որ այդ քաղաքական երեք կուսակցությունները իրենց ընտրողներին բոյկոտի կոչ չեն անում, քանի որ ընտրությանը մասնակցելը ժողովրդավարության կարևորագույն արժանիքներից է», -ասաց նա: Նա հայտնեց, որ իրենք փորձել են հայ քաղաքական գործիչներին փոխանցել այն միտքը, որ բոյկոտը տարբերակ չէ: