Հայ գրոսմայստեր Սերգեյ Մովսիսյանը Վեյկ ան Զեեի փառատոնի B մրցաշարում բարձրացել է առաջին տեղը:

9-րդ տուրում Մովսիսյանը սև խաղաքարերով հաղթանակ է տարել Մաքսիմ Տուրովի նկատմամբ (Ռուսաստան):

Շախմատիստը հավաքել է 6,5 միավոր և միանձնյա գլխավորում է մրցաշարային աղյուսակը: Նա իր մոտակա մրցակիցներից առաջ է 0.5 միավորով:

10-րդ տուրում Մովսիսյանի մրցակիցը կլինի Դանիլ Դուդովը (Ռուսաստան):

C մրցաշարում Գրիգոր-Սևակ Մխիթարյանը (Բրազիլիա) 9 հնարավորից ունի 5 միավոր և զբաղեցնում է 5-րդ տեղը: