23 հունվարի 2013 - 17:59 AMT
Հունվարի 25-ին պարզ կլինի, թե ով է Երուսաղեմի Հայոց պատրիարքը

Այսօր մեկնարկել է Երուսաղեմի Հայոց պատրիարքի ընտրության 1-ին փուլը: Պատրիարքին ընտրելու են Հակոբյանց 37 միաբանները: Նրանցից յուրանաչյուրը ներկայացնելու է հինգ անունից կազմված ցանկ: Առավելագույն ձայներ ստացած միաբանները կմասնակցեն ընտրության հաջորդ փուլին, որը նախատեսվում է վաղը, իսկ հունվարի 25-ին պարզ կլինի, թե ով է Երուսաղեմի Հայոց պատրիարքը:

Երուսաղեմի Հայոց Պատրիարք Տ. Թորգոմ արքեպիսկոպոս Մանուկյանը մահացել էր 2012-ի հոկտեմբերի 12-ին` երկարատև հիվանդությունից հետո: