Հայաստանի բոլոր ճանապարհներն ու լեռնանցքները բաց են
Հայաստանի Հանրապետության տրանսպորտի և կապի նախարարությունը տեղեկացնում է, որ հունվարի 27-ին, ժամը 11.45-ի դրությամբ՝ Հայաստանի Հանրապետության ողջ տարածքում առանց տեղումների եղանակ է։ՀՀ միջպետական և հանրապետական նշանակության ճանապարհներն ու լեռնանցքները բաց են։
Արագածի տարածաշրջանում բուք է, սակայն ճանապարհները երթևեկելի են։
Անվտանգ երթևեկությունն ապահովելու նպատակով ավտոճանապարհներին իրականացվում են մաքրման, աղով ու ավազով մշակման աշխատանքներ:
ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով:
