Այսօր Չեխիայի մայրաքաղաքում տեղի է ունեցել բողոքի հանրահավաք Թուրքիայի ԵՄ-ին անդամակցության դեմ: Ակցիայի կազմակերպիչն է «Ձայն հանուն Եվրոպայի» միջազգային քաղաքացիական նախաձեռնությունը: Հիշեցնենք, որ մի քանի ամիսների ընթացքում բողոքի ցույցեր են տեղի ունեցել ԵՄ տարբեր երկրներում: Դրանց անցկացման ընթացքում «Ձայն հանուն Եվրոպայի» կազմակերպությունը հավաքել է շուրջ 30 հազար ստորագրություն` Թուրքիայի Եվրամիության անդամակցությունը թույլ չտալու պահանջով: Հիշեցնենք նաեւ, որ նախօրեին նման հանրահավաք է անցկացվել նաեւ Վիլնյուսում: Ակցիայի մասնակիցները հավաքվել են Լիտվայի խորհրդարանի շենքի դիմաց ձեռքերին ունենալով «Լիտվացիները դեմ են Թուրքիայի ԵՄ-ին անդամակցությանը» կարգախոսներ, տեղեկացնում է «Երկիր» թերթը: