Լոս Անջելեսի ոստիկանությունը 1 մլն դոլար պարգևավճար է նշանակել 33-ամյա նախկին ոստիկան Քրիս Դորների մասին տեղեկությունների համար: Նրան կասկածում են Կալիֆորնիայում 3 մարդու սպանության մեջ:

Անցած հինգշաբթի նա հարձակվել է պարեկայինների վրա, սպանել է մեկ սպայի և վիրավորել ևս երկուսին: Բացի այդ, նրան կասկածում են ոստիկանի դստեր և նրա ընկերոջ սպանության մեջ: Դորները զգուշացրել է ոստիկանությանը աշխատանքից անարդարացի հեռացման համար իր վրեժի ծրագրի մասին: Նամակում նշված են պոտենցիալ զոհերի անունները:

33-ամյա Քրիս Դորների որոնումները կենտրոնացել են Բիգ Բեար քաղաքի արվարձաններում, որոնց բնակիչներին խորհուրդ է տրվում մնալ տներում, հայտնում է Associated Press-ը: