Դոնեցկի «Շախտյորի» կիսապաշտպան Հենրիխ Մխիթարյանը Չեմպիոնների լիգայում Դորտմունդի «Բորուսիայի» հետ խաղից առաջ ասել է, որ նրանք շատ լուրջ են պատրաստվել:

«Ամեն ինչ կանենք, որպեսզի այդ հանդիպումն անցնի բարձր մակարդակով և խաղանք այնպես, ինչպես դա ցանկանում է տեսնել գլխավոր մարզիչը»,-խոստովանել է Մխիթարյանը:

Ըստ Մխիթարյանի, «Բորուսիայի» խաղերը ցույց են տալիս, որ թիմում կազմակերպված կարգապահություն կա, հայտնում է ուկրաինական թիմի պաշտոնական կայքը:

«Շախտյորի» և Բորուսիայի» առաջին խաղը տեղի կունենա Դոնեցկում փետրվարի 13-ին: