Թուրքական դատարաններից մեկը բավարարել է Թուրքիայի իրավաբանների միության հայցը եւ արգելել է սեպտեմբերի 13-ին կայանալիք «Օսմանյան հայերը կայսրության փլուզման ժամանակաշրջանում. գիտական պատասխանատվության եւ ժողովրդավարության հարցեր» խորագրով միջազգային կոնֆերանսի անցկացումը: Սկզբում գիտաժողովի անցկացումը ծրագրված էր ընթացիկ տարվա մայիսին, սակայն, հետաձգվել էր, քանի որ Թուրքիայի արդարադատության նախարար Չեմիլ Չիչեկը այդ գաղափարը համարել էր «թուրք ժողովրդի մեջքին հասցված դաշյունի հարված»: Կարծիքներ էին հնչում, թե երկրում արգելվում է ազատ արտահայտել գիտական տեսակետներ, իսկ պատմաբաններին ճնշում են: Սակայն, մեծամսանության համար պարզ էր, որ կոնֆերանսում կարող է արծարծվել Հայոց ցեղասպանության հարցը: Այս պահին կոնֆերանսի կազմակերպիիչները հստակեցնում են իրենց հետագա գործողությունները, հաղորդում է «Ռեգնում» գործակալությունը: