ԲՀԿ մամուլի խոսնակ Տիգրան Ուրիխանյանն այսօր պաշտոնական հայտարարություն է տարածել, որով հերքում է տարածվող տեղեկությունն այն մասին, որ ԱԺ պատգամավոր, ԲՀԿ քաղխորհրդի անդամ Վահան Բաբայանն ԱԺ էթիկայի հանձնաժողովից հետ է կանչվել:
Հայտարարության մեջ նշված է.«Անկեղծ զարմանքով եմ վերաբերվում այսօր մամուլում շրջանառվող ասեկոսեներին, իբր պարոն Վ. Բաբայանին ԱԺ էթիկայի հանձնաժողովից հետ է կանչելու ԲՀԿ որոշման վերաբերյալ: Չեմ հասկանում նաև ինչ է նշանակում «ԲՀԿ-ն որոշել է»: Ի՞նչ նկատի ունեն հնարողները՝ ղեկավարին, որն այս պահին Հայաստանում չի գտնվում, քաղաքական խորհրդին, թե խորհրդարանական խմբակցությանը: Հարկադրված եմ պաշտոնապես հայտարարել, որ որևէ քննարկում տվյալ հարցի շուրջ տեղի չի ունեցել և Վահան Բաբայանի հարցը ԱԺ էթիկայի հանձնաժողովի կազմում քննարկման ենթակա չէ»:
