Մոսկվայում տեղի է ունեցել ՌՀՄ երիտասարդական ակտիվի հանդիպումը Մոսկվայում ՀՀ դեսպան Օլեգ Եսայանի և ԼՂՀ ԱԳ նախարար Կարեն Միրզոյանի հետ:

Հանդիպմանը մասնակցել են նաև գեներալ-լեյտենանտ Նորատ Տեր-Գրիգորյանցը, ՌՀՄ փոխանախագահ Լևոն Մուքանյանը, Արցախյան շարժման հերոսներ ու մասնակիցներ, հայկական ուսանողական ընկերակցությունների ու միավորումների անդամներ:

Հանդիպման մեկնարկին ՀՀ դեսպան Օլեգ Եսայանը Հայաստանի նախագահի անունից «Արիության համար» մեդալը հանձնեց Ելենա Կուլիկին՝ ռուս սպա Իլյա Կուլիկի այրիին, որը հերոսաբար զոհվել է ԼՂՀ ազատության համար:

Հանդիպմանը քննարկվել են ղարաբաղյան հակամարտության կարգավորմանն ու ԵԱՀԿ միջնորդական առաքելությանն առնչվող հարցեր, ՌԴ հետ տրանսպորտային հաղորդակցության վերականգնման հեռանկարները, մշակութային, հումանիտար ու երիտասարդական փոխանակումների հնարավորությունը ԼՂՀ և ՌԴ միջև: