Վոլգոգրադի մարզի ղեկավարները եւ պաշտոնական այցով Վոլգոգրադում գտնվող Երեւանի քաղաքապետարանի ներկայացուցիչները պայմանավորվածություն են ձեռք բերել Պարսից ծոցի երկրների շուկաներում ռուսական եւ հայկական ապրանքների վաճառքի առնչությամբ համատեղ գործողությունների մասին: Ինչպես հաղորդում Է Ռուսաստանի հարավի հայերի «Երկրամաս» թերթը, հյուրերի հետ հանդիպման ընթացքում Վոլգոգրադի նահանգապետ Նիկոլայ Մակսյուտան պատմել է Իրանում Վոլգոգրադի մարզի առեւտրային ներկայացուցչություն ստեղծելու ծրագրերի մասին: