Երևանի Ալբերտ Ազարյանի անվան մարմնամարզության դպրոցում ընթացավ Հայաստանի առաջնությունը, որին մասնակցել են ավելի քան 60 մարմնամարզիկներ:
Ինչպես PanARMENIAN.Net-ի թղթակցին ասաց Հայաստանի մարմնամարզության ֆեդերացիայի գլխավոր քարտուղար Էլֆիկ Հովհաննիսյանը, առաջնությունում ելույթ են ունեցել նաև երիտասարդ մարզիկներ: Մասնակցել են Երևանի, Գյումրիի և Էջմիծնի մարմնամարզիկներ:
Տղամարդկանց պայքարում բացարձակ չեմպիոնի կոչումը նվաճել է Արթուր Դավթյանը, որը նաև հավասարը չի ունեցել ազատ վարժությունում, պտտաձողում և զուգափայտերում: Նժույգաթափում առաջին տեղն է գրավել Վահագն Ստեփանյանը, օղակներում Վահագն Դավթյանը, իսկ զուգափայտերում` Սերոբ Սողոմոնյանը:
Առաջնության արդյունքներով կձևավորվի Հայաստանի հավաքականը, որն էլ ելույթ կունենա Քաթարի Աշխարհի գավաթի խաղարկությունում և Մոսկվայի Եվրոպայի առաջնությունում:
