Քիչ առաջ Ազատության հրապարակում բացօդյա ասուլիսի ժամանակ «Ժառանգություն» կուսակցության առաջնորդՐաֆֆի Հովհաննիսյանն ասաց, որ հնարավոր է՝ դադարեցնի հացադուլը, եթե դատարանից ու նախագահ Սերժ Սարգսյանից ստանա այդ երաշխավորված լուծումը, որը թույլ կտա ճանաչել ժողովրդի սահմանադրական իրավունքը. «Ես կողջունեմ, եթե պարոն Սարգսյանը գա հրապարակ Սահմանադրական դատարանից: Ես երեկ ասել եմ, և այսօր էլ կրկնում եմ, և հավատում եմ, որ Սահմանադրական դատարանն ունի վերջին հնարավորությունն՝ իր հետագիծը մաքրելու և ներկայացնելու իրական պատկերը: Կսպասեմ դատարանի վճռին և հույս ունեմ, որ ինքը չի արդարացնելու ակնհայտորեն կեղծված արդյունքները: Սիրով կլսեմ պարոն Սարգսյանի՝ այս տագնապի հանգուցալուծման վերաբերյալ առաջարկները»: