Այսօր Երեւանում բացվում է Իրանի Մազանդարան օստանի առաջին մասնագիտացված առեւտրա-արդյունաբերական ցուցահանդեսը: Ցուցահանդեսը կանցնի նոյեմբերի 15-ից 21-ը: Նրա այցելուները կկարողանան ծանոթանալ իրանական այդ օստանի ձեռքբերումներին գյուղատնտեսության արտադրանքի, մեքենաների եւ սարքավորումների արտադրության, ինժեներատեխնիկական ծառայությունների, տնայնագործական իրերի, ավտոմոբիլային, շինարարական, սննդի, էլեկտրոնային, արդյունահանքային եւ վերամշակող արդյունաբերության ոլորտներում: Ցուցահանդեսը անց է կացվում իրանական օստանների եւ հայկական մարզերի միջեւ համագործակցության եւ գործընկերության ոլորտները ակտիվացնելու եւ դիվերսիֆիկացնելու նպատակով: